SPOTLIGHT | Amey Hazare
वेकफिटची कहाणी 2016 मध्ये सुरू झाली, जेव्हा सहसंस्थापक अंकित गर्ग आणि चैतन्य रामलिंगेगौडा यांनी भारतीय गाद्यांच्या विस्कळीत आणि महागड्या बाजारात बदल घडवण्याची संधी ओळखली. भारतातील बहुतांश गाद्या पारंपरिक पद्धतीने, अनेक मध्यस्थांच्या माध्यमातून विकल्या जात असल्यामुळे ग्राहकांना महाग आणि तीच जुन्या पद्धतीची उत्पादने मिळत होती. वेेकफिटने याच नकारात्मक परिस्थितून संधी शोधत डायरेक्ट-टू-कन्झ्युमर (D2C) मॉडेलची निवड केली आणि गुणवत्तापूर्ण मेमरी फोम गाद्या परवडणाऱ्या दरात बाजारात आणल्या.
कंपनीची सुरुवात “झोप हा लक्झरी नसून मूलभूत हक्क आहे” या विश्वासावर झाली. शिवाय त्यांनी 100 दिवसांची ट्रायल पॉलिसी सुरू केली, जी त्या काळात अत्यंत क्रांतिकारी होती. ग्राहकांनी दिलेल्या फीडबॅकवर आधारित उत्पादनांमध्ये सतत सुधारणा करण्यात आल्या. गादीसोबतच त्यांनी गरज ओळखून मॅट्रेस प्रोटेक्टर्ससारखी पूरक उत्पादनेही विकसित केली.
वेेकफिटच्या यशामध्ये त्यांच्या रसायनशास्त्रावर आधारित फोम इनोव्हेशन, कार्यक्षम उत्पादन प्रक्रियेचे नियोजन आणि सतत ग्राहकांशी संवाद यांचा मोठा वाटा आहे. सांस्कृतिकदृष्ट्या जवळची, अनोखी मार्केटिंग मोहीम राबवत त्यांनी तरुण ग्राहकांमध्ये वेगाने ओळख निर्माण केली. कालांतराने वेेकफिटने आपला विस्तार करत गाद्यांच्या पलीकडे सोफे, बेडशीट्स, फर्निचर आणि इतर होम सोल्यूशन्समध्येही प्रवेश केला. मागच्या वर्षी वेकफीट चे १ हजार कोटींपेक्षा पेक्षा अधिकचे सेल्स झाले.
जरी कंपनी डिजिटल-फर्स्ट होती, तरी ग्राहकांच्या मागणीमुळे त्यांनी धोरणात्मक पद्धतीने देशभरात स्टोअर्स उघडण्यास सुरुवात केली. आज वेेकफिट एक मजबूत हायब्रिड मॉडेल स्वीकारत असून आगामी IPOची तयारी करत आहे.
अंकित गर्ग यांच्या आधीच्या अपयशांतून शिकलेली जिद्द, संचालनातील कार्यकुशलता आणि डेटावर आधारित निर्णयप्रक्रिया, या तीन गोष्टींनी वेेकफिटला पारंपरिक उद्योगात मोठा बदल घडवून यशाकडे नेले.
वेेकफिटची वाटचाल हे दाखवते की योग्य दृष्टिकोन, नवकल्पना आणि ग्राहककेंद्रितता असली तर कोणतीही कंपनी संपूर्ण उद्योगाला नवी दिशा देऊ शकते.